Mjög gott gengi hefur verið hjá okkar fólki í sundi fatlaðra á Reykjavík International Games.  Þegar 2 dögum af 3 er lokið hafa alls verið sett 12 Íslandsmet í Laugardalnum.  Þar af á okkar fólk 8 stykki.  Þar fer fremstur í flokki Hjörtur Már með 4 met í 200 fjór, 50 skrið, 100 skrið og 200 skrið.  Kolbrún Alda með 3 met, og Pálmi með 1.  Þá tókst Anítu Ósk að tryggja sér þátttökurétt á Sheffield Open í vor með því að ná lágmarki í 200 metra skriðsundi.  Aðrir sundmenn voru einnig að bæta sig talsvert, þar var t.d. afmælisbarnið Vaka Rún (15 ára í dag) að bæta tímann sinn og eigið Íslandsmet um 16 sekúndur í 50m skriðsundi.  Það stóð hins vegar stutt þar sem Íva Marín hjá Ífr hafði það af henni í næsta riðli á eftir.

Úrslit

Myndir



Pálmi hratt af stað hrinu Íslandsmeta á RIG með glæsilegu meti í fyrstu grein.



Garðar og Róbert Erwin, samheldnir og flottir liðsfélagar