Hjörtur Már Ingvarsson fór hreinlega hamförum í lauginni um helgina á Reykjavík International Games í Laugardalnum.  Alls setti kappinn 7 Íslandsmet þó hann keppti bara í 5 greinum.  Hvernig má það vera ?  Jú, millitímar hans í lengri greinunum voru nógu góðir til að bæta tímana í styttri greinum.  Þannig setti hann t.d. Íslandsmet í 100 metra skriðsundi þegar hann var að synda 200 metra greinina.  Hann setti með öðrum orðum Íslandsmet í hvert skipti sem hann stakk sér til sunds í keppni, þar af 2 met í 2 skipti.

  Aðrir frá Firði til að setja Íslandsmet voru þau, Pálmi Guðlaugsson, Vaka Þórsdóttir og Kolbrún Stefánsdóttir.  En sú síðastnefnda fékk að auki sérstaka viðurkenningu á lokahófi RIG fyrir stigahæsta sund stúlku í sundi fatlaðra á mótinu.  

Úrslit

Myndir



Hjörtur var í feikna formi á RIG 



Íslandsmethafar helgarinnar, Íva, Pálmi, Vignir, Kolbrún, Hjörtur, Jón, á myndina vantar Vöku.



Þóra María var óheppin og gerði ógilt í einni grein en bætti tímana sína í öllum öðrum greinum sem hún synti.