Aníta Ósk Hrafnsdóttir setti nýtt Íslandsmet í 200 metra fjórsundi á tímanum 2:57,06.  Gamla metið, 2:58,32, átti Bára Bergmann frá því í júní 1999.  Glæsilegur árangur hjá Anítu sem bætir met sem enginn hefur komist nálægt í tæp 13 ár um rúma sekúndu.  Alls tóku 6 sundmenn frá Firði þátt í Gullmóti KR þar sem Aníta setti sitt fyrsta, en örugglega ekki síðasta Íslandsmet.  En "gömlu" kempurnar Pálmi, Hjörtur og Kolbrún settu einnig Íslandsmet á mótinu.  Pálmi (S7) bætti eigin met í 50 og 200 metra baksundi og 200 metra flugsundi.  Hjörtur (S5) hrifsaði til sín 2 met frá Hrafnkeli Björnssyni, í 50 bringu og 50 bak.  Og Kolbrún (S14) setti nýtt met í 800m. skriðsundi sem áðurnefnd Bára hafði haldið frá árinu 1998. 



Aníta Ósk setti sitt fyrsta Íslandsmet á Gullmóti KR um helgina